Ek kook sagter

Ek onthou van my blog. Van die dae wat ek soggens opgewonde voor die rekenaar ingeskuif het, en gekyk het wie trend waar en wie soek kak met wie.

Ek woon in ‘n dorp saam met son en ons sien mekaar nooit. Hoe’t jy die plek genoem destyds? Snobtown?

Ek woon in ‘n huis saam met ‘n mens wat my happy maak, ek het sommer skielik 6 honde, my lewe draai om te werk om te voer. Maar ek is ultimately happy.

Ek wonder of daar nog ‘n uitstal blad is vir die Afrikaanse gedeelte van wordpress bloggers.  Soos van ouds. Of is daai close knit spul wat ons eens was, nooit vervang deur ‘n volgende klomp klipgooiers, skinnerbekke, jammergatte en fun lot nie?

Ek trek by tye briek in my kop om te kyk dat my groen koffie bone nie aanbrand wanneer ek dit met sorg en windgatgeit rooster nie, en ek wonder waar is ons tyd heen. Mense van my pertuurs lyk vir my oud. Dan skrik ek. Hol spieel toe, en sien myself soos ek maar altyd myself sien.

Ek kam steeds ‘n moer nie hare nie, en die haar droogblaser is nie vir MY kop ontwerp nie.

Ek knor steeds vir die somer en is maar by tye ‘n rassis.  Steeds.  En ek maak minder golwe. Fok eks moeg van golwe.  

Nou, is daar van julle werfdwalers wat nog blog. Wat nog loop en scavenge vir dinge wat nie sin maak nie. 

Beduie bietjie  man. Skoor wil verneem!

Posted in Ongeklassifiseerd

een van vyftien

Die liewe Son sit en drink my koffie terwyl ek haar boeke lees, en gooi hier ‘n challenge uit wat skielik herinner aan jare terug toe ons b(l)oggers mekaar se blogs verslind, en mekaar verskeur het in die proses.  Die ‘tag’.

Kan ek nie liewers 15 feite of geite oor myself neersit, en net 7 blogs noem wat my laat lees nie?

Ek het meer geite as feite. Behalwe vir die feit dat winter my alive laat voel – die hele 1.83m van my – het ek ook geleer om die somer te verduur ter wille van mallerige mense soos bogenoemde. We agree to disagree of so iets. Ek kan nie ongekompliseerd liefhe nie – daar is altyd ‘n frieken issue, maar die lente het weer liefde na my deur gebring. Ek is nerf-af geval vir ‘n mens wat maak dat ek hou van hoe ek voel. Op my ouderdom sal niemand seker voor jou deur kom staan, onaangeraak of ongeskend deur die lewe nie. Mens moet maar vrede maak daarmee en dit om-arm en koester. Of iemand vat wat eenvoudig nie diep leef nie. En vir laasgenoemde sien ek sowaar nie kans nie. 

Ek koop my eie groen koffiebone, en rooster en maal dit met sorg en drink te veel daarvan. Ek bons egter nie teen die mure nie, want dit gaan snaaks lyk. Ek vibreer kaffiene. En dis goed en reg vir my. Dood moet ‘n oorsaak he en as myne koffie related is, skryf so op my grafkelder!

Ek maak vuur vir alles. Teen hartseer en koue, vir liefde en lig. Miskien was ek ‘n brandstigter in my vorige lewe, maar ek dink dis maar die BoereBloed in my are. As ek als op die vuur kan gaarmaak, en die mense wat ek lief so kan voed, doen ek dit met oorgawe en is gelukkig. Ons het vanjaar die voorstoep ontdek om eerder vreugdesvure te laat brand, as in die agtertuin. Daar kan die hondespan lekker buite rondhol en skelms bevlieg, en ons maak soma 3 vure op ‘n slag net oor ons kan. 

Ek het al 3x op my kop geval. Een keer van ‘n stapelbed af, in my nuwe slaapsak, bo van die boonste bed, voor ek nog skool toe is. Ek het nie wakker geword nie. Ek dink ek was disnis geval! En eenkeer in die hoofstraat van Rawsonville, van ‘n ponie se rug – jajaja ek weet dit klink bekend, die vallery van ‘n perd se rug, maar ek het OOK. Reg agter-oor op my kop. En die derde kan ek nie vandag onthou nie. Ek dink dit is omdat ek al 3x op my kop geval het!

Ek lees gedigte. Op my selfoon. En ek is verslaaf aan Google…. Dit wat ek nie weet nie, google ek dadelik. Ek is dus heeldag aan’t google.

Ek is steeds rebels en laat my nie voorse nie. Ek trek dan sommer aspris dwars. Ek hou van die shock value van my tattoos en piercings wat ek heeldag aldag dra en love dit as mense se ‘maar jys toe uiteindelik nie so mean soos jy lyk nie’ want dan bevestig ek net mens takseer nie iemand op sy baadjie nie.

Ek loop graag snags rond as die wereld slaap. Dan praat ek met my eie kop. Ek weet dis gevaarlik om in die donker te loop, alleen, maar al glo ek nie meer in ‘n god nie, vertrou ek daar is engele om my wat uitkyk as ek voet vir voet monoloe en introspeksie het sonder om ag te slaan op my omgewing.

Ek dink dis meer dan 7 geite/feite.u17754957

Die bloggers wat ek deesdae in stilte gade slaan, omdat kommentaar lewer van ‘n selfoon nou regtig ‘n pyn in die gat is, is die kosbare vrou wat die ingilse probeer bekeer in die verre, maar met ‘n hart wat punt trek vir alles ‘huis’.  

Frankie. Frankie. Waar is jy. Ons het almal van mekaar vergeet. 

Die nimlike laggende liefhe mens Graatjie. Wat ophou skryf het. Maar vir wie ons lief is met ons hart, siel, en verstand. As ek aan haar dink, sien ek die ou grote met sy voete in die sand, en sy wat darem ‘ja’ gese het sonder om chips op die rotse te eet!

Charms. Wat te min skryf. Wat baie dinge kan se.

Christa en Jaco. Altyd online, offline. Ek mis julle woorde. Kwinkslae. Wyshede.

Anna. Wat ook gegroet het. Almal se woorde het op geraak.

Gesluit. Gone with the wind. 

Die vies een. Met goeie lewenslesse mits jy bereid is om te lees en leer. Nog ‘n af masjien.

Die ‘kind’ het altyd iets te se. Iets interessants. Van my favourite leesblogs ooit.

Serious serious goete soms. Mens.

Vreemdste prente. Ek kan lekker lag

Ek sluit af. Want ek gaan nie tel en skel en twakpraat om die blad vol te kry nie. Son. Jy het woorde wat soms my hart raak, my soms bedonirt laat, soms my laat lag. Moenie ophou nie.

Mede bloggers en boggers – vertel van jou  feite en geite as jy dan nie wil vertel wie se blogs jy op jou eie tyd verslind nie. En wees goed en mooi met mekaar. Dis nice. 

Posted in Ongeklassifiseerd

In Memory of Emily die Sirkushonkie – ons is almal rescues

My naam is MUIS

muisEk staan ook bekend as NUMBER ONE. Ek is sexi. Ek meen my lyf is to die for. Dis net spiere en spoed.

Ek is ‘n Windhond wat my ma elke dag verbaas want ek verstaan woorde soos Biltong, Droëwors, mmuisStappies, WPK, en Eekhoring.

Ek verstaan baie dinge en is gladnie lief vir my sussies nie.muiskar

Maar ek is mal oor my eie kiepieses. Ek het twee grotes wat kiepie eiers lê wat ek dan mag rou eet, en ma het vir my 3 nuwe kiepieses gekoop wat babas is.

Ek huil en dans om met hulle te speel. Ma se ek gaan hulle eierloos sing voor hulle nog begin kiepieses eiers lê.

Mense ken my. Mense noem my Poelieshonkie. Mense wonder watse mens noem hulle hond Muis. Maar ek gee nie om nie, ek is ‘n bekende Muis.

 

My naam is MAGGIE

mags1Ek het in Maart verlede jaar voor ma se werk opgedaag. Toe neem sy my DBV toe. En toe ‘n paar maande later, op ‘n Saterdag, daag ek voor ma se!cid_DF61E9565DD743ACA4B3F56D1A5CCBD6@LENOVO huis op. Ek het weggeloop by die DBV want ek is ‘n rondloper. Toe vat ma my terug. Eendag in Oktober verlede jaar was ma weer by die DBV en stap deur die hokke en sien my lê. Met ‘n cone om my nek en ‘n geopereerde been. My knie is vervang.

Toe se ma vir die DBV ek moet in die dag by haar in die kantoor kom lê om aan te sterk en om met mense te gesels. Net vir ‘n bietjie. Maar ek is ‘n reuse windhond, en ma love windhonde, en toe kom dit so dat ek steeds hier is. Ek slaap nou ook skelm op haar bed in die nag. Ons is ‘n reuse gesin. Ek is soms knorrig en as ek lawwe hondjie word hardloop ek dat die aarde onder my oopmaak. Ek is vinnig, yoh!

Ek was ook al ‘n model vir ‘n fotografie student. Ek is baie fotogenies en saggeaard en het mooi fotos gemaak soos julle kan sien!

 

My naam is DOIKI

doiki babaAi. Ma het my gered uit die kloue van ‘n drol wat gedreig het om my dood te skop! Hy het my enbabadot my boetie op sy bakkie gegooi na sy vrou ons probeer red het van plaasmense, en my boetie is by die DBV dood want hy was baie siek. Die man het sy vrou ook geslaan, en vir haar gese hy sal my doodskop as ek terugkom op sy plaas. Hy het ook al ‘n skateboard op ‘n ander hond stukkend geslaan hy is ‘n regte vark. Toe gaan die vrou en kry ‘n hofbevel dat die man my nie mag skop nie en ma was WEER by die DBV en hoor daarvan.  Daardie aand toe bel sy die vrou en sê haar as jou man so ‘n vark is, sal ‘n stuk papier hom nie keer nie. As die hond geskop word, is sy geskop. Toe huil die vrou en se ma mag my maar vat. Nou woon ek met haar en horde ander diere. Ek is mooi.

  

My naam is LILI

liliAi. Ek woon in die jimmil.

Die DBV veearts het vir ma whatsapp gestuur en gesê ma moet opkom en kom kykkleinlili wat sy het. Toe se ma as dit ‘n wit hond is, kan die veearts maar lekker self kyk, sy stel nie belang nie. Maar ma is ‘n vrou en nuuskierig.

Toe gaan sy op en sien my. Sy het begin huil in so ‘n toestand was ekke. As jy met my praat het ek my kop teen ‘n muur gaan druk en gebewe.

Toe gaan ek saans saam met Carmen van DBV huis toe, en in die dag is ek by ma want ek was so verskrik en tragies, ek moes 24 uur mensekontak hê. En toe bly ek een naweek ook by ma, en toe gaan ek nie meer met Carmen huistoe nie, en ma kry my present by die DBV om dankie te sê toeslaapieses sy vir FielaVlooi en haar 4 babas vir 6 weke huis gegee het.  Ek is verskriklik gelukkig. Doiki het my grootgemaak en baie liefde gegee. Ons is onafskeidbaar. Ek is mal oor swem! Ek gaan vir ma hierdie jaar mal maak in die splash dammetjie. Want eergister aand het ek uitgevind ek kan spring dat die water so trek, en dan hol ek met my nat pote deur die huis soos ‘n Formule Een Resieshond. My hol kom verby my kop en al die diere sit net en kyk vir my en maswem staan en lag. Sys nie kwaai nie.

Ma mag nie meer in die DBV hokke gaan loop nie…..

 

My hond Emily wat kanker wreed kom haal het nadat ons net een jaar mekaar kon liefhe.  Jekkelensie Sirkus Hondjie wat vandag nog ‘n gat in ons almal se harte laat. Muis mis haar Njaffie. En ek mis my ou bedmaatjie. 

sirkus

 

Posted in Ongeklassifiseerd

Our Poem

I am not the first person you loved.
You are not the first person I looked at with a mouthful of forevers.

We have both known loss like the sharp edges of a knife.
We have both lived with lips
more scar tissue than skin.
Our love came
unannounced in the middle of the night.

Our love came when we’d given up
on asking love to come.
Lovers-Statue-Ghana-L952747

I think that has to be part of its miracle.
This is how we heal.
I will kiss you like forgiveness.
You will hold me like I’m hope.

Our arms will bandage and we will press promises between us like flowers in a book.
I will write sonnets to the salt of sweat on your skin.
I will write novels to the scar
of your nose.
I will write a dictionary of all the words I have used trying to describe the way it feels to have finally,
finally found you.

And I will not be afraid
of your scars.

I know sometimes
it’s still hard to let me see you
in all your cracked perfection,
but please know:

whether it’s the days you burn
more brilliant than the sun
or the nights you collapse into my lap
your body broken into a thousand questions,
you are the most beautiful thing I’ve ever seen.
I will love you when you are a still day.
I will love you when you are a hurricane.

– Clementine von Radics

Posted in Ongeklassifiseerd