Dagboek van ‘n Foster

Ek het nie ‘n naam nie maar dis vir my nie nou belangrik nie.

Ek het ‘n warm veilige bed, en ek slaap teen ‘n paneel verwarmer en ek kry kos om te eet, sodat ek genoeg melkies kan he om my vier kinders kos te gee.dbv

Ek is ‘n goeie ma. Al is 3 van my kinders dood, is ek ‘n goeie ma. Ek lyk treurig. Ek het ‘n velsiekte wat die ingilse ‘mange’ noem maar ek kry behandeling daarvoor. Ek weet nie hoe lank dit gaan neem voordat ek beter voel nie. Ek jeuk vreeslik en my ore bloei op die punte van die krap en skud. Die hare op my lyf is min en my vel is rooi en opgehewe, maar steek nie my rugstring of ribbes weg nie.

Ek kry baie liefde, en my stertjie swaai kliphard teen die matras as iemand nader kom met ‘n sagte stem en kossies.

Ek kom van Eersterivier. Ek is gelukkig waar ek nou is. Niemand skop en skree op my nie. Als is sag nou. My bed, my kos, die stemme wat kom kyk na ons.

Dis lekker

Posted in Ongekategoriseerd

Sonkind, kom ons vreet vleis

Toe sussie, kry vir ons die gids of vertaal dit sommer in AFRIKONS vir ons, want as ek moet ingils lees en in Afrikaans kook, maak ek netnou maar eerder weer sop!sop5

Wat seg jy? Moet netnie neuk met te baie eiers nie want my een kiepie het ophou le, so ek is op ‘n eier per dag in die nes.

Toe jys mos innovative, energetic en bedonird genoeg om te gym.

En mag ek kaasworsies eet?  En rooiwyn drink?

I challenge you om vir ons ‘n BLOG DIEET uit te werk en dan kry ons ‘n klomp wat wil saamspeel en kyk hoe ons kan vaar en of vleis mens beter laat voel as fyn sop.

Countdown begin …..

NOU!

Posted in Ongekategoriseerd

Sop Dieet – Dag 5

Mmmm. Is ek ‘n failure? In my oe ja. Maar dis nie die restaurant se skuld dat hulle nie ***sop op die menu het nie.

Gistraand sussie se verjaardag treat gehad by Grand West met ete en ‘n show. En die groepsdruk was te erg. Ek moes vis eet. Sjoe maar toe voel ek goed hoor! Yoh. Beter as die bruinrys wat bestem was vir die keelgat.sop4

En vanaand, in die woorde van Barry Roux: VANAAND GAAN ONS BRAAI!!!!

Steak le en wag. Maar om die dag om te kry, le voor: sop sop sop. Want ek wil darem nie nou sommer moed opgee nie. Nie oor ek soos ‘n vis in die water voel vanoggend nie, maar oor my commitment getoets word – oukei, ek het gefaal op ‘n manier, maar dis ‘n wroeging vir ‘n ander nag.

En more moet ek nursery bou, want ek gaan ‘n mama hond en 4 van 7 babas foster. Die ander 3 reeds is hemel toe. Watch this space. As die honde dit maak, skryf een dalk net ‘n nuwe dagboek op my blog.

Nou moet ek my sop warm maak om die knorrende maag te stil voor een van my honde my byt. Klink hier is ‘n leeu in my derms…

Posted in Ongekategoriseerd

Sop Dieet – Dag 4

pass2Los my. Eks moeg en knorrig. My broek sit effe ligter om die bo-bene. Maar my kuite span. Seker soos ek moet keer om nie oor die kos-tou te trap nie. Nou’s hulle gepomp.

Gistraand weer sop gekook. ALLES pulp geblend VOOR dit in die pot in is. As ek weer ‘n vingerlengte misgeblitsde verdomde seldery stingel vind doop ek hom in peanutbotter en vloek die dieet vaarwel. pass

Ek leef vir more-aand se steak. Dis wat my laat aangaan deur die dag. Al voel dit of ek kan neerneuk en vra vir ‘n drup…

Vandag kan ek piesangs eet. Maar ek was nognie in die boom in om te gaan pluk nie. So dis sop en koffie. Goddank ek het nognie ‘n weersin in my Boeretroos ontwikkel nie.

O, en aan my bure…. ek weet julle bliksems het gisteraand Burger Fair toe gery. Moenie dink eks bleddie DOM nie, ek het julle geruik toe julle stop!

Ek het dadelik Worcestersous oor my sop gesmyt. Vir substance.

Posted in Ongekategoriseerd

Sop Dieet – Dag 3

sop3Die magic nommer in my lewe.

Drie.

Behalwe as jy sop vreet en bbm vir entertainment oor jou kos boring is en jy nie smiley faces daarmee kan maak nie omdat alles geblitz is tot ‘n oranje pulp!

My broek sit nog styf. Ek het nie ‘n skaal om te weeg nie so ek gaan nie kan bevestig nie, maar ek hoop om dit in my broek te voel. Of aan my broek. Tog, nou wonder ek die volgende:  hordes uie, kool, brocoli. Jy blaas op. Jou klere span. Jy blaas af. Jy voel beter. Jy verbeel jou jys ligter. Dunner.

Dit maak mos sin? 

Ek is vanoggend super geirriteerd. Moenie vandag met my swaarde kruis nie, ek haal ‘n gun uit en skiet. Nie tyd vir kliek-klak van swaarde nie. Just get it over and done with. 

Ek het honger wakker geword. Ek het ‘n enamel kom sop by die werk, en drogbeelde van juicy burgers en sout en asyn slapchips wat die walse van Strauss dans voor my geestesoog.

Ek cheat nie. Dis nogal cool. Nog NIKS. So nie ek nie!

Vanaand moet ek weer sop kook. O, en my honde wat alles vreet, wil nie ruik aan my sop nie, wat nog te se daarvan eet. Jissie dit se nogal baie.

 



Posted in Ongekategoriseerd

Sop Dieet – Dag 2

Slaapterapie. Ek oorweeg slaapterapie. Dan eet ek mos anyway nie.

2.1 – die sop is heerlik. Njam die sop is heeeerlik. Behalwe is dit is wat jy MOET eet. En die halwe kool wat vandag se rantsoene aanvul, is on-aptydwekkend, maar darem beter as daai groen appels. Vrydag kan ek steak eet. Ek gaan vandag steak koop vir Vrydag. Ek gaan elke dag daaroor streel. Vrydag kan ek steak eet… girts girts girts wat gaan die kool aan my konstitusie doen??sop2

Ek moet nog brocoli ook eet vanaand. Sal dit stoom. Met suurlemoen sap oor. Ek veronderstel om op dag 2 te begin detoks en sleg te voel. Maar neehee, ek is die ene energie en planne. Nou wonder ek of ek nie beter doen met gesonder nie.

Dankieliewevader ek mag koffie want anders het ek al geswaai van ‘n eik in die buurt!

Ek dink teen Donderdag gaan ek geel skyn van die wortels. Alweer wortels.

Ek kan nie quit nie. Te veel mense weet nou wat ek doen. My buurman kry my glo jammer. Maar vra vreeslik uit. Miskien inspireer ek mense. Laat ek ‘n smaail opplak en girts girts die dag vat. Kool. Rou. Voel ek soos ‘n haas vandag. Wonder wat dit doen aan die seksdrang…. nee wat seker boggerol. Ek piepie uie en met kool in die sweetgate gaan niemand anyway twee keer kyk nie.

Update: ‘n halwe kool is vandag gepolish, ek is besig om my betreklik tee te knars aan vele dinge. En dit was ‘n moerse halwe kool…. All in the mind. Koolsap is verdomp osim vir ‘n mens – google bietjie.

2.2 was n reuse sukses – sommer vol borrie gegooi vir afwisseling en ek weet borrie is net goed vir ‘n mens, en lyk my ek is goed met mindf*** so ons gooi maar als wat kleur het.

Nou: Gerrie se jy verloor spoed oor die detoks teen dag 2. Hierdie langgat het nou net mooi spoed opgetel soos ‘n reisiespert wat maats geruik het. Kyk, keer my of ek gaan aan die hardloop!!! But then again, ek hol ook nooit want niks jaag my nie.

Ek wou maar net se. Ek dink die groente is nogal nie ‘n bad plan nie. En ek gaan die nuwe batch se wortels NIE fynmaak nie, dat iets darem knars in die soppies.

Vraag aan myself:  hoekom Purity maak daarvan as my maag besluit het hy rebelleer teen die fyn kos?

Posted in Ongekategoriseerd

Sop Dieet – Dag 1

Lengte is genadig, geduldig en versteek baie. Maar die ‘mak slang’ om my middel is besig om genadeloos te krul en my jeans sit stywer as laasweek – en dis nie oor my hamstrings geoefen en meer bultend raak nie.

Gerrie Pretorius se sop dieet le al vir maaaande in my ‘saved messages’ boksie soos ‘n vergete tjoklit (ja, ek praat tjoklit, ek probeer als so normaal moontlik hou, mens neuk nie jou etes EN brein gelyktydig op nie) en toe se ek vir myself: ‘myself, hierdie jeans gaan jy NIE vervang deur groter nommers te koop nie. Hou op vreet’

sopEn daar sak ek af Food Lovers toe en lyk soos een wat hase gaan kosgee. Oukei, daar was 3 groot bene ook in die mandjie, nee ek lieg, trollie (dis moerbaie groente as mens begin inlaai) vir die honde, maar verder loop ek ‘kyk na my eks vegetaries’ deur die rakke.  By die tills kyk ‘n tannie grimmig na my en dink ‘dis definitief Gerrie se sop’. Haar probeerslag het duidelik mislik…

Als in die pasta pot tuis, en dit ruik heel vriendelik toe die borrels begin blob-blob in die pot. Handblend ek na ‘n goeie keteltjie gluhwein die storie en die geur slaan te lekker op al wat neusgat is.

Dag 1 breek aan. Skoor draai shakers se koppe af (jaja shakers vir meal replacements, ek het van hulle, wat lag jy?) en vul met sop, soos mr Bean, met ‘n soort genoegdoening en voel hoe die jeans relax om my middel. Die stres op die boonste knoop pleeg spontaan selfmoord toe ek die sakkie Granny Smith appels onder die arm druk – dis mos nou vandag se ‘ekstra’ – fokin Granny Smith suurgat appels wat my tande skurf maak en my maag gaan laat pyn.

Die oomblik breek aan. Gerrie noem dit ‘HEKSEBROUSEL’ en ek bly dink hy is simpel. Ek skeut sommer byvoorbaat ‘n lekker lyn gedroogte capsicum by vir die wis en onwis, die verhoogte endorfien afskeiding en sommer ingeval dit sleg smaak – hy waarsku dan.

Nou ja, les een:  soos jy nie moet drink en bestuur nie, moet jy ooknie stickblenders gebruik na te veel gluhwein nie. ‘n Heel stuk ui (en glo my, daas vrek baie in) le en waai vir my onder in die sopbakkie. Le soos ‘n duvet. Groot, oop en skynbaar onbewus van sy lot. En ek proe seldery. Ek hou nie daarvan om seldery te proe nie mamma.

Dag 1 is hier. Sop 1.1 is in. Dankie tog vir capsicum. En dankie tog ek mag koffie drink. Want die babakos gaat dalk hier teen moreaand my laat drogbeelde van HEEL groentes sien, en nie purity style kossies nie.  My oesoefaggis gaan vassteek soos ‘n kind van 2 wat muur vasgryp wyl pa hom badkamer toe sleep om te moer.

But then again, groente gee jou krag. Groente is goed vir jou. Groente is sexi. Groente is nie net groen nie. Daas alle kleure en geure. Dis lekker. Maar hou net die stickblender weg van dit!

Pas besluit… next batch rasper ek al die groente in my Bosch voedersel-ding sodat dit ewe groot is. En nikse blending nie.

My asem proe na ui. Ek het nou net ‘n mr Bean-about-to-meet-the-queen asem reuktoets gedoen….

Sop 1.2 – kyk man, ek kan regtig ‘n naweek sonder kos bly. Gee my net koffie en eks happy.  Gewoonlik teen Sondagaand is ek so rasend, ek vreet ‘n poort deur Salticrax, maak nie saak of daar caviaar, kreef of kudubiltong is om op hulle te loop le nie, o nee, ek gryp en kou 3 koue en sluk af. Net so droog, en sodat my maag kan settle en my bloedsuiker terughelp op haar high horse.

Maar dieet nou net. Dan wil jy net vreet. Ek het van pure moedeloosheid darem al 2 appels in. Appels help niks. Se moer met die kos fundies wat dit en dat van appels, en dieetkundiges wat dit en dat van appels. Se absolute moer. Appels met suiker omhul en soma in tjoklit en peanuts gerol is vir my die beste appel. Ek sal daai buite slaapsakkie liefkoos tot hy in my binneste nes geskop het, en dan kan daai maer ongelukkige vrugte-advokate maar die appel kry.

Roer nou deur die ligte oranje-bruin kleur, en soek na iets met substance….nie ‘n vleis vliesie wat belowe na die bodem kry jy sy ma, pa, ouma EN ouma se nuwe boyfriend nie. Nee. Niks. Geen niks vleis. Jys gefnuik. Soek ‘n ou stukkie ertappel wat darem die tande meer van mekaar lig as hierdie ligte beklemming om die kaak wat ek ervaar. Niks. Bokkerol. Ek raak moeg gesoek. Die sop word al hoe dunner geroer.

Capsicum. Sout. Maak dieper die smaak. Shit ek moet nog 2 liter water ook drink. Maar ek mag koffie drink. Wie de hel gaan dan water drink. Nie ek nie se die gansie.

Hello jy. Blessit stuk groot greenpepper. Misgeblits. Het jy dalk ‘n vleisie saamgebring?

Posted in Ongekategoriseerd